Wisjtj gae det?

  • De Baerekepel offisjeel is ópgerichtj op 15 september 1998

  • Wae dus al mieër den ein half kieër ellef jaor besjtaon!!

  • Wae van teväöre ouch al besjtónge, al den neet in zeer onoffisjele vorm en allein mer optroeëje oppe Baeremiddig (kinjer Bontje Middig) in Hael

  • Wae noe nog sjteeds oppe Baeremiddig sjpele, mer allein den zörge väör de muzikale ómliesting

  • Wae in 1998 begóste mèt percies ellef lede

  • Wae inmiddels zeen oêtgegruujdj toet eine echte "Baerekepel" mèt mer leefst 23 lede!!

  • Wae destieds nog gein vaste rippetisiejruumdje haaje en daoróm mer om de waeks biej emes thoes höbbe gerippeteerdj!

  • Oos kluplokaal via ein omzjwerming van “keffee de Tram” en “Keffee Ut Stuupke”terecht is gekómme biej “Keffee Oppe Linj” in Hael”

  • Wae mer leefst 5 aod-Jeugdprinse(HAJ-ers) in oos kepel höbbe zitte(Wim II, Maikel I, Ralf I, Kay I, Koen I)

  • Wae verder nog 4 aod-Jeugdprinsesse in oos kepel höbbe zitte(Marieke, Peggy, Dyonne en Lian) en ouch nog èns twieë
    aod-Jeugdadjedante (Wouter en Jim)

  • Wae mèt de vastelaovendj in 2003 roemrucht zeen gewoeëre vanwaege ’t ópdrinke van 1067 fleskes Flugel, boete de angere drank dae d’r mèt diej daag genuttigdj is

  • Wae vervolges al die 1067 fleskes mèt de vastelaovendj achter ós aan höbbe gesjleiptj in ein winkelkerke!

  • Det betreffendje winkelkerke toet op d’n daag van vandaag nog sjteeds sjpoeërloos is en wae os toch waal aafvraoge waem detter zoeë bliej kèn zeen gewoeëre van ein zjwaor zeut walmendj en roeëd, gael, greun verseerdj kerke!!

  • Wae dit jaor nao Kölle zooje gaon es wae same mèt de HAP(Haelder-Aod-Prinse) de leedjesmiddig van 2004 in Hael zooje winne(Wae gaon nao Kölle haer!!!)

  • Wae netuurlik neet gewonne höbbe mer twieëdje waerdje en daoróm mer nao ’t Zate Hermeniekes Treffe van de Peijer Doosjvlaegels zeen gegange(Wae gaon nao Pe-heij haer!!!)

  • ’t Os in 2003 same mèt “De Gebreurs” Luijten waal is gelöktj om de leedjesmiddig te winne en wae óndanks det ouch al neet nao Kölle zeen gegange(Wae gaon neet nao Kölle haer!!!)

  • Wae daodoor waal väör de ieërste kieër ein leedje höbbe opgenómme biej de Sjtudio van Jan Theelen in Munstergelaen

  • Det leedje ein titel haaj dae good biej os pasjtj: Woeë höb ich ’t ueëver??

  • Wae det leedje neet in höbbe gesjpeeldj…..mer in höbbe gezonge!?!

  • Wae óndanks det gein ambities höbbe om oos zangcarriere ein suksevol vervolg te gaeve…

  • Wae eder jaor mèt de vastelaovendj oos vrunj van de hofkepel(Rettich Bend) opzeuke om get nummerkes same te sjpele

  • Det samesjpele mèt de Rettich Bend in Mofert biej ’t Zate Hermeniekestreffe al ein roemrucht fenomeen is en waerdj besjtempeldj es “Hael ei vol” vanwaege ’t zoeë ueëvervolle keffee met Haelder luuj!

  • Wae ouch eder jaor met dameskepel “de Wauwelnaze” same sjpele op de vriejdig väör vastelaovendj wannieër wae ..nao de Basissjoeël en “de Maaskei” gaon om dao de vastelaovendj in te luide!