 |
      |
 |
      |
 |
    |
    |
|
|||||||||
|
 |
||
‘t Sezoen is weer in volle gank!
Aafgeloupe zaoterdig waas ‘t weer tied väör ‘t geweldjige Häötemetäötegeträöt in eige dörp. Dit waas weer ein geweldjig fieëst. Mèt name door ‘t groeët aantal kepelle en ‘t opvallendje groeëte aantal Prinse det aanwezig waas. Op dit kepelle treffe waas volges de Prinse Jonge Klaore oet Nuujstadtj de bèste kepel, Proficiat! Aankomendje zunjig is ‘t weer tied väör ‘t altied gezellig kepelle treffe biej os vrunj in Mofert. Hiej gaon wae weer mèt ein volle bus haer vanoet Hael. Same mèt de Rettich band en alle anger kepelle gaon wae d’r dao weer ein sjoeën fieëst van make!
Noew tenues op ’t Häötemetäötegeträöt!
Träöte in Mofert!
|
||
 |
||
    |
‘t Sezoen is weer in volle gank. De rippetisies zeen al bezig vanaaf november en wae zeen der den ouch in gesjlaagdj om väör de vastelaovesdaag mer leefst 5 noew stökke te höbbe ingestudeerdj. Mèt es hoeëgtepuntj “Is dit ein kepel?” det David Peters speciaal väör de kepel hieët gesjreve, en wae volgendj jaor ouch moge opnumme, zoeëdet t oppe cd vanne Gangmaekers kumptj.
Aafgeloupe zaoterdig sjtóng ‘t Häötemetäötegeträöt op ‘t programma. Dit waas ouch ‘t ieërste evenement det wae ós noew tenues prizzenteerdje. De zaal waas good gevuldj en naodet ein paar anger kepelle woeë-ónger “3xNiks” de zaal haaje opgewermdj woeëre wae aan de bäört óm ein showtje weg te gaeve, en netuurlik ós gans noewe tenues te laote zeen. 
De daag daonao waas ‘t tied väör ‘t Joekskepelletreffe in Mofert. Nao get opsjtartprobleme (väör bepaoldje lede) zeen wae mèt de bus aafgereisdj naar Mofert. Zoeë wie eder jaor ieërst biejein gekómme biej Kefee de Vogel, en nao de wisselbaeker te höbbe ingeleverdj zeen wae vertrokke nao de ieërste kroeg; De Rotonde. Det waas waal ein eindje loupe, mer hiejdoor kóste wae ós al lekker wermblaoze.