 |
      |
 |
      |
 |
    |
    |
|
|||||||||
|
|
||
"Anna" Leerschool
Wae vertrókke óm 13 oer oppe fiets vanoet oos clublokaal Oppe Linj richting Wèssem. Mèt de fiets omdet wae zoeë onopvallendj mäögelik Wessem bènne wildje traeje óm de argwaan biej de Golfbraekers zoeë klein mäögelik te haoje. Toet ós groeëte sjrik vele wae biej de ieërste kroeg die wae in Wèssem bènne ginge al tieënge de lamp. Hiej woeëre de gaste van de Wèssemse Boerebroelof zich al aan ‘t verzamele. Ondanks det wae ós zoeë onopvallendj gedraagdje woeëre d’r netuurlik óplettendje Golfbraekers diej vroge waat wae kwoeëme doon. Wiej wae zachte det we èns de sjfeer in Wèssem wildje preuve kwaam netuurlik metein de vraog of det wae neet wólle sjpele biej häöre kroegetocht. Wiej toevallig ouch, De Baerekepel haaj toch de instrumente zeer “toevallig” biej, dus van ‘t ein kwaam ‘t anger en väör we det wae ‘t wiste haaje wae al half Wèssem róndjgesjtiefeltj en kwoeëme wae terecht biej Ut Vaerhoes. Hiej zoog ozze muzikale kommandant Remo alias SJAELE 2007 ein zeer opvallendj obsjtakel sjtaon. Hae ging mèt zien troepe in konklaaf waat wae hiej mèt ginge doon. Ze besjlote om toch te gaon kieke waat d’r zich achter dees kast aafsjpeelde. Mer väördat ’t zoeë wied waas waerdje d’r netuurlik ieërst ein “plan de campagne” ópgesjtèld. Om ein langk verhaol kort te make waerdje d’r besjloeëte det Remo de kast nao väöre zooj sjuuve en de äöverige lede mèt muzikaal geweldj klaor zooje sjtaon. Dit omdet wae neet kóste väörsjpelle waat wae zooje aantreffe. Nou, zoeë gezagd zoeë gedaon. Remo leep vol sjpanning richting kast. Väör de verangering haaj hae zich ein glaas beer ónger aan ziên bóksepiep gesjtoptj, mocht Remo door de sjpanning ‘t neet mieër kónne óphaoje, haaje wae in eder geval gein rommel oppe grondj en zoeë ouch gein sjpore achter gelaote. Rustig en zeer gedisciplineerdj leep Remo richting de kast mèt de muzikale troepe in den aansjlaag. Väörzichtig trok hae de kast nao väöre. Toet zien groeëte sjrik zoog hae get waat hae absoluut neet verwacht haaj. De äöverige troepe diej nog sjteeds in de muzikale aanslag sjtonge zooge den ouch get, waat ze neet haaje verwacht. In plaats van det Remo zich ein “muzikaal hoedje” zooj sjrikke, begos hae sjpontaan te lache. ‘t Waas Anna (Eefje) Leerschool die zich achter de kast haaj versjtoptj. Zoeë waerdje ‘t dus ein zeer gesjlaagdje daag dae nog door ging toet in de late (klein uigskes) oere det rezulteerdje in ein geweldige crash van ozze Bacchus oppe “Pol-brugk” en meerdere te-laat-kommers oppe Prinserecepsie. Waat Anne Leerschool äöveriges achter dae kast deej is bènneskamers gebleve.
Kort noewts
|
||
 |
||
    |
Zaoterdig 26 fibberwariej waas de daag det de Baerekepel in ‘t deepste geheim haaj aafgesjproeëke om èns in Wèssem de Vastelaovendj te gaon preuve.