"Oos Besjermhieër"

Vanaaf 7 fibberwariej 2004 besjikke wae ouch ueëver eine heuse besjermhieër!
Ziêne naam: Arno Versjtege, en väör intimie ouch waal "Nol-Nol-Zeve"!

Mèt dees titel hieëter den ouch de ieër om de hoogste "vetlaere" medaliej te moge drage dae d’r binne oos kepel te verdeile waas.
Wae höbbe ‘m es oos besjermhieër gekoze omdetter os altied hieet bie-gesjtange en den väörnamelik in de beginjaore…
Hae vervuldje in daen tiêd biejnao alle funksies diej ein bestjuur biej oos kepel kin höbbe. Eine unieke prestasiej woeë wae hem toet in lingdje van daag dankbaar väör zeen. Noe wae es kepel al zoeë zeen gegruujdj van "Sjnoterkuukes" toet "volwasse"(?!?) persone waerdj ‘t besjtuur inmiddels door eige lede gevormdj. Wae sjtaon noe dus op eige bein en wanjele diej op oos meneer! Daodoor dreigdje hae ein bietje boete de boeët te valle. En mèt dees hoeëge ongersjejjing wille wae ‘m den ouch väör ’t laeve aan oos klup binje!

Zo noe en den kumtj "dae wieze" d’r nog èns biej mèt get tips. En ouch daorom, Nolluhhh, BEDANKT